Prisirvazioni Linguìstica

L’ughjettivu principali di l’iniziativa hè primamenti di racodda “dati di basa”
ducumintendu i pràtichi linguìstichi di a cumunità Corsa.
Tucchendu tandu à a racolta d’infurmazioni linguìstica è culturali rilativi à quistu pòpulu è à quidda lingua.

Mappa inttirativa

I scopa principali di quista iniziativa sò:
• Ducumintà a lingua Corsa in a so diversità
• Incurasgiscia a cumunità linguìstica à participà à u prughjettu
• Crià arrighjistramenti sustinìbili è multi usi di a lingua dispunìbuli online
• Crià un “Fundu di Risorzi” pà i scienzi suciali, a linguìstica è a cumunità linguìstica stessa

Tistimunianza incurasgisci ancu a cumunità linguistica idda stessa à piddà pussessu di a lingua, par frinà u so rinculu.

Effettivamenti, l’attitùdina di i cumunità linguìstichi in dirizzioni di i so propii lingui t’hà un rolu essenziali in u so duvintà.
I lingui à traversu a storia sò sempri stati parlati è trasmissi di manera naturali, beddu innanzi à a scrittura, l’insignamentu, a linguìstica o qualsiasi ricunniscenza istituzionali, par via di l’usu è a trasmissioni in u duminiu familiali, vettori è indicatori principali di a vitalità di una lingua.

NARRITIVI

I narrativi racolti mentri i ricirchi di tarrenu poni piddà parichji formi,
ma sò di manera generali ugni tippu di discorsu chì conta una storia

SAPÈ FÀ

Si tratta quì di racodda discorsi di dimustrazioni, di spiigazioni, muscendu comu fà calcosa.
Par esempiu, comu fà una muradda in petra, comu piscà l’anguidda à a manuta, ecc …

CUNVIRSAZIONI

I dati infurmali, discursivi o spuntanei sò prubabilmenti i tippi i più impurtanti di dati à racodda par ducumintà una lingua.

ANÀLISI DI TESTI

Si tratta quì di analizà testi anziani,
di litteratura, puisia, canzoni, stalbatoghji, ecc …