Cunvirsazioni

I dati infurmali, discursivi o spuntanei sò prubabilmenti i tippi i più impurtanti di dati à racodda par ducumintà una lingua,
parchì ci dicini comu l’aghjenti praticani a lingua ugni ghjornu è ci dà accessu à monda righjistri è stili di discorsu,
al dilà di i soli narrativi.
Par esempiu, a manera chì i parsoni parlani à modu cutidianu hè in generali bedda diversa da comu traducini frasi o contani una storia.
Par ciò, studià i cunvirsazioni di l’altri hè strimamenti ùtuli pà imparà à parlà di manera fluenti è naturali,
ed hè essenziali par i prugrammi di rivitalisazioni linguìstica.
In u casu di lingui à rìsicu altu, dati simuli poni essa abbastanza diffìcili à uttena
l’oppurtunità di arrighjistrà un gruppu di parsoni chì adoprani naturalmenti a lingua poni essa rari
è i parsoni si pudarìani senta scumudati di parlà naturalmenti mentri ch’iddi sò arrighjistrati.
Par uttena i più beddi dati naturalistichi pùssibuli, i locutori si duvarìani senta propiu à l’asgiu par essa arrighjistrati,
è un raportu di cunfidenza è di rispettu trà i locutori è i circadori di tarrenu duvarìa sempri essa stabilitu in primu locu.